AY,AY KALISUD

Ay,ay kalisud,kalisud sang binaya-an,
adlaw gab-i pirmi ta ikaw guinatangisan
ahay inday nga waay sing kapalaran
waay guid waay guid sarang ko kalipayan
REPEAT

ay cielo azul abao diin ka na bala
tabangi buligi ang nabilaggo sang gugma
mayo pang mamatay kon halos mamatay
agud di ako makadumdum nga ako waay kalipay

REPEAT

DALAWIDAW

Dalawidaw ikaw kon mag-ambahanon
Yuhum mong balanihon may binalaybay
Duhang larawan mo sa dalamgohanon
Diwata sa bukid kag kataw sa baybay

Diwata sa talon, bulak nga ilahas
Sa kapalaran nga daw gapasimpalad
Alibangbang lamang labing makahas,
Makigsuyop sang kayuyom sinang sipad

Yadtong kagab-ihon nga punong himaya
Sa isang payag kita nagsumpa-anay
Didto ta pinang-gas ang dili malaya,
Putling handumanan sang gugmang panganay.

Tuburan

Sa higad sinang bukid,
may isa ka tuburan
sa bato naga ilig,
ang matin-aw nga tubig
sa daku kong ka uhaw,
ako ang naghapit
kag akon nga gin batyag,
ang kabugnaw sang tubig

CHORUS

didto ko sya nakit-an,
larawan sang kagayon
bumatyag man kauhaw,
ining dughan nakon
katulad sang tuburan,
ang gugma nga dalitan
daw tubig naga ilig,
nga dili ko ma punggan

Martsa sang Silaynon

Silaynon bansagon nga Negrosanon
Inanak sang isganan kag dungganon
Mapisan, maalwan may balatyagon
Daku ang handum nga magmadinalag-on
Halin sa baybayon tubtob sa kaumhan
Silaynon aton gid masaligan

Refrain:
Matam-is ang yuhum nga daw kalamay
Putli ang gugma, Diyos ang nagbugay
Sa tion sang kalisud kad kabudlay
Silaynon pat-ud nga maga-unungay
Kaptanay sa kasakit kag kalipay
Silaynon Negrosanon nga tunay.

Gain kamu upod sa amon
Dakbanwang Silay aton duawon
Mauswagon ang mga banwahanon
Silaynon pumuluyong Kristohanon
Silaynon maligdong nga Negrosanon
Sila tanan isa sa pag-ugyon.